影片
更多
2012-06-08
80 瀏覽
友人好想嚟試吓............我又未嚟過..............may 19, 12............8大1小來食dinner............叫咗 :1) 茶芥 ($18 x 8)-花生+咗烏梅同煮,又腍又綿,仲有酸甜開胃嘅味道-xo醬我就試咗少少,小辣惹味$628餐 x 82) 香煎和牛配芥末胡麻醬-和牛粗粒,大部份中間呈粉紅色,所以不致過熟,不過再生d就會更好,牛味唔濃,入口仲喺暖熱,都可算嫩,亦juicy-但有點筋,小朋友要吐出渣滓-伴以2個汁 : 綠色的芥末, 淺啡色的喺胡麻-大家都覺得和牛配芥末會好味d因為喺texture上同清怡嘅味道無搶到和牛嘅鏡,而且個芥末好溫和,仲帶點甜添,可以令和牛錦上添花3) 陳年花雕碎牡丹蝦-1蝦2味-蝦頭就炸,不過炸得未夠透,不能全個頭都脆卜卜,未能成隻食晒,幸好蝦膏有鮮味,我同部份友人嘅蝦頭好濃花雕味,堅酒味呀~~~-蝦身就喺刺身,有溫和嘅花雕味,撒咗少少黑魚籽,肉爽4) 蔥油涼伴蟲草花-這個大家都認同外貌似炒麵-飲用蟲草花煲嘅湯就試過,原來集合蟲草花嚟食,帶點韌性,有微微爽口,如果炒麵/撈麵有咁嘅口感都幾唔錯-調味
1) 茶芥 ($18 x 8)
-花生+咗烏梅同煮,又腍又綿,仲有酸甜開胃嘅味道
-xo醬我就試咗少少,小辣惹味
$628餐 x 8
2) 香煎和牛配芥末胡麻醬
-和牛粗粒,大部份中間呈粉紅色,所以不致過熟,不過再生d就會更好,牛味唔濃,入口仲喺暖熱,都可算嫩,亦juicy
-但有點筋,小朋友要吐出渣滓
-伴以2個汁 : 綠色的芥末, 淺啡色的喺胡麻
-大家都覺得和牛配芥末會好味d因為喺texture上同清怡嘅味道無搶到和牛嘅鏡,而且個芥末好溫和,仲帶點甜添,可以令和牛錦上添花
3) 陳年花雕碎牡丹蝦-1蝦2味
-蝦頭就炸,不過炸得未夠透,不能全個頭都脆卜卜,未能成隻食晒,幸好蝦膏有鮮味,我同部份友人嘅蝦頭好濃花雕味,堅酒味呀~~~
-蝦身就喺刺身,有溫和嘅花雕味,撒咗少少黑魚籽,肉爽
4) 蔥油涼伴蟲草花-這個大家都認同外貌似炒麵
-飲用蟲草花煲嘅湯就試過,原來集合蟲草花嚟食,帶點韌性,有微微爽口,如果炒麵/撈麵有咁嘅口感都幾唔錯
-調味輕怡,唔喺重手味
5) 黑松露脆皮燒雞-呢隻雞喺全晚最欣賞的
-擺上枱,松露香氣撲鼻,好想即刻撕嚟食
-等我哋影完相之後,侍應就拎去廚房斬件
-入口熱度還好,皮薄,脂肪唔高,肉嫩滑,亦有松露味,相信喺松露油嘅功效
-少食雞嘅我,都有添食
6) 私房仁稔欖豉醬蒸象拔蚌仔-本來嘅安排喺用蟶子,不過無貨,改咗做象拔蚌仔
-肉很鮮甜,不過有個部位幾多沙吓,這點要扣分
-所謂的仁稔欖豉醬薄,不過象拔蚌夠新鮮,鮮甜度足夠成為全碟賣點
7) 桂圓紅棗雪葩-食咗幾道菜,就用個雪葩來清清味蕾
-其實共有2款生果topping,我的喺橙片乾,另有菠蘿片乾,很薄,我連皮全片食晒,很天然的橙味
-下面的雪葩很冰凍,亦來了沙冰咗嘅桂圓紅棗糖水,有平時中式糖水嘅桂圓紅棗嘅甜蜜
-不錯
8) 香茅蝦膏炸鮮斑
-因為人多,所以有2條酥炸斑
-斑炸得脆,亦無過厚
-魚肉都算嫩,保得住juicy
-底下墊住的喺金柑sauce,有好多好多柚子肉,而個汁酸酸甜甜,有點香茅味,蝦膏味只嗅得到,食就好淡薄
-這個煮法很新穎,帶點泰式feel,不過覺得side咗2條斑
9) 1000絲萬縷菌王豆腐羮-將豆腐絲切得好幼,有青瓜絲,木耳絲,紅蘿蔔絲,瑤柱等
-個上湯有鮮味
-好飲之餘亦見力功
10) 翡翠白玉卷-卷得好靚,不過就太過"的骰"
-而個綠色汁底,喺用青豆做出來的,那份豆味,+上調到帶甜,反而味道上主角過白玉卷,真有衝動lai碟,hahahaha
11a) 芒果雪糕-因為個餐嘅甜品喺榴槤甘露,本應諗住食到呢環就走先,hahaha,不過友人訂位時,店方可另作安排
-全枱人,只有我1個需要食芒果雪糕............慘變成異類添
-芒果味都幾濃,雪糕都滑,甜度適中
11b) 榴槤甘露-友人們好期待,點知最後鍾意食榴槤的友人們大感失望
-因為榴槤嘅濃度唔高,據佢哋嘅形容,似榴槤咋喳,有紅豆,西米等,反而主角嘅榴槤,份量好少
-同佢哋好鍾意嘅x嫂榴槤水晶珠差好遠
12) 青檸果酒-最後上來1杯果酒消膩
-有青檸汁,triple sec, cointreau
-味道檸檸甜甜,又夠冰凍,的確不錯
-不過這餐缺少了澱粉質,所以1點飽意都無,根本不需要消膩,hahaha~~~
題外話/補充資料：
* 因為有恒生白金咭,所以有88折
(以上食評乃用戶個人意見 , 並不代表OpenRice之觀點。)
張貼
