鍋心粥底火鍋 (德成街)

營業中

休息中

終於有返晚市食，所以相約朋友來到這間一直都想試的粥底火鍋店食海鮮粥底火鍋!餐牌分了5個階段，第1階段可以自己揀選自己喜歡的套餐，兩個人不一樣也可以!我們揀選了1個肉蟹加沙白蜆餐和龍蝦加沙白蜆餐!每份蟹和龍蝦都有半隻，兩款都有膏!龍蝦蝦肉鮮甜彈牙，蟹肉味道都好鮮甜!第2階段可以揀5款海鮮，我們揀選了鮑魚、蝦、花甲、蟶子和帶子!每張枱上都有一張寫了海鮮烹煮時間的單張，只要跟著時間整，就不怕整過火! 而鮑魚都幾大隻，口感爽彈!蝦用上大頭蝦，蝦頭會較多膏，蝦肉都好鮮甜彈牙!而花甲份量都幾多同大隻，每隻的肉都脹卜卜，好鮮甜又沒有沙!蟶子只需要淥30秒就食得，非常美味!食完海鮮就到食其他火鍋配料，食之前就加入芋頭粒、南瓜和粟米，待最尾粥的材料更豐富!火鍋配料可以選8款，我們揀了肥牛、豬梅頭片、手打雞骨丸、芝士豆腐、王芽白、雞件、韮菜餃和萵筍!雞件、肥牛和梅頭片令湯底味道更鮮味，王芽白想不到亦很鮮甜，很美味!最後就請店員落粥底，店員還會下芫茜、冬菜、菜甫粒、豬油渣粒等，粥底味道好濃郁，味道好鮮甜，有南瓜蓉和芋頭蓉令粥底冇咁稀，加上有菜甫、豬油渣粒等配料，令粥既口感更豐富!餐廳亦有多款不同既飲品可以飲