韓珍 (寶勒巷)

營業中

休息中

最近食韓國菜食上癮，呢間餐廳位於尖沙嘴，顧名思義主打多款正宗嘅韓式料理，從燒烤、主食、小食、飲品到甜點樣樣有齊，裝潢十分時尚，好型格，環境同樣闊落，空間感大，令人感覺舒適，適合同朋友嚟聚會🤭餐廳提供三款燒肉套餐，見大部分客人都有叫，菜式好豐富，份量比想像中多，整體性價比甚高～ 點餐後店員會送上一碟碟韓式前菜，泡菜、菠菜、章魚、沙律、腸仔、大豆芽、洋蔥、香醋漬葉、款式各有千秋，仲可以refill添！前菜有三款，宮廷九節板超級特別，賣相精緻，傳統料理，有兩片軟餅配上紅棗乾、翠肉瓜絲、青瓜絲、紅蘿蔔絲、雞蛋絲、大豆芽、牛肉碎同冬菇片，包住一齊食，點埋醬汁，口感豐富，層次分明，特色又好味！私心推介炸蛋梳乎厘，原鍋上，熱辣辣，焗雞蛋味道鹹鹹地，上面鋪上原片芝士，雞蛋內有少量蔬菜，切開後有蜂巢紋，呈現半熟狀態，若放多一段時間就會變老，邊邊同底部都會燶，建議即刻食會好味啲😋另外有韓式涼拌青瓜，雖然材料普通但感覺好創新，以青瓜夾住蘑菇片、雞蛋絲、甜椒再配上柚子醬，味道好fresh！主食有大醬湯，裏面有牛肉粒、嫩滑豆腐、櫛瓜、白蘿葡、大醬以黃豆同醬油發醇，鹹甜適中，滋潤暖胃，再將白飯倒入，唔覺唔覺就清曬