Rosé Home Kitchen (已搬遷) 新店位置

之前一直都好中意灣仔個間Rose，但係自從大半年前轉咗手，就再都食唔到咁好味嘅鴨胸。 仲以為以後都冇機會再食到，點知！！！比我哋又搵返上環E間Rose 一見到老闆娘就知道有好嘢食啦！唔講廢話啦，睇圖！真係分量十足 鴨胸本身有煙燻味，十分柔和，鴨皮焗到好脆，仲有一層焦糖，好香口！紅酒汁有小小酸，中和咗鴨胸嘅油膩，加上新鮮嘅沙律同薯茸，perfect！Rose除咗鴨胸之外，飲品都唔錯嫁。好似E杯紅莓蘋果玫瑰花茶，有濃郁嘅玫瑰香味，又有紅莓嘅酸甜味，十個like啦！Cake係每個女仔嘅最愛，我哋order咗兩款，蘋果鬆餅熱熱哋，十分暖胃，而咖啡冧酒芝士蛋糕就非常smooth，滿足曬~~Btw，我哋上次去食嘅時候本來凈係order咗薰衣草蛋糕同士多啤梨芝士蛋糕，但係老闆娘唔小心比咗士多啤梨慕斯蛋糕。結果老闆娘就附送咗一件薰衣草蛋糕比我哋，真係好好人啊！！