蘭度小籠包 (已結業)

用得嚟做店名嘅小籠包果然有質素，一夾起係，皮係薄到可以見到入面有好多湯同餡。個皮好薄好滑，最重要係有湯阿！湯簡直係小籠包嘅靈魂，有湯汁絕對係昇華咗，我覺得好食過鼎xx，價錢仲相宜好多。另外令我驚喜嘅就係清燉獅子頭，以往食嘅獅子頭都會好乾好難入口，但係呢度嘅獅子頭除咗有上湯可以一齊食之外，肉質非常滑嫩，完全無食緊一粒大魚蛋好求其嘅感覺。入面仲有竹笙，連湯同獅子頭三樣一齊食，非常豐富，上湯都好出色，帶出獅子頭嘅鮮味。就咁睇店舖位置好似好遠，但係店出面有電車站，喺銅鑼灣行完街搭電車過嚟，一落車就到好方便。