蘭度小籠包 (已結業)

午餐同同事去左食蘭杜街食飯，一於就試下蘭度小籠包。店舖面積不算大，但都坐得算舒服，店員服務態度不錯，幾友善，仲建議我地坐入面啲，無咁大風。我叫了午市套餐的上海排骨擔擔麵，$74隨餐奉送紙包飲品，價錢可以接受。味道都幾有上海風味，湯底很濃稠，比較接近醬的感覺，雖然顏色好紅，但味濃而又不會很辣。麵的份量都不算少。有驚喜的是排骨份量相當多，一碟上，可以維持表面脆脆的，唔會話得兩三舊放喺麵上面咁，食肉獸都應該夠食。

今晚忽然之間想食上海菜外賣，咁啱朋友喺灣仔附近，我就上OpenRice搵到呢間喺蘭杜街食評唔錯嘅上海小店。首先要讚下聽電話那位（相信係老闆）。我話想叫外賣，問佢個餐牌係咪要自己上OpenRice搵？（之前大部份店舖都係叫你自己上OpenRice 睇) 佢叫我俾個手提電話佢，轉頭好快就WhatsApp咗set dinner 同 a la carte menu 俾我。我哋只得兩個人，所以試咗四款菜式：1）雞絲粉皮 - 麻醬味道不錯2）灌湯生煎包 - 煎得非常香口，略嫌入面的肉汁不夠，完全沒有漏汁出來3）鹹肉菜粒炒飯 - 非常清完全沒有油，有很多菜粒，鹹肉亦很入味4）招牌羊肉水餃 - 如果鍾意食羊肉嘅人一定會愛上呢個水餃咬開每粒水餃入邊都有湯汁... 濃濃的羊肉味會令你一試難忘外賣袋上見到有兩間店舖名，「蘭度小籠包」+「梅之味」，相信係同一個老闆開的。下次有機會，一定要試埋「梅之味」台灣菜。

大年三十晚突然間想食上海菜，叫咗外賣，無特別心理準備，因為知道正宗又好味嘅上海菜館唔多。第一次幫襯，有驚喜，估唔到送嚟D嘢好精神，食材都好新鮮，小籠包手工精美，菜肉雲吞裡面D菜係綠色，無發黃，只是浸響湯裡面，皮好容易爛；珍珠湯圓用得好好，好好味；蔥爆牛肉炒得好香滑，牛肉份量唔算少；燻魚味道都正宗，魚都新鮮，但係份量少左D。總之全部都好好味，值得一贊！以後會繼續幫襯，再試下其它品種，希望以後優質可以保持落去。

🇭🇰蘭度小籠包·呢間其實我都經過過好多次 但係佢個門面真係令我有D卻步🙊咁岩個日好想食小籠包 附近無咩選擇 見佢係openrice評價幾好就鼓起勇氣試左🤣🤣 ·口水雞飯$68嫩雞燴麵$65佢個口水雞都幾好味 而且雞肉好嫩 不過因為佢有好多辣椒 所以都幾辣 我哋最後嗰幾舊係辣到要用水沖一沖先食到🌶️😂之後個嫩雞燴麵我自己幾中意 佢D面係真係索曬個湯既味 不過因為燴麵既原因麵質就偏淋少少 但係都可以keke😎·招牌小籠包$44呢個反而就冇我想像中咁好食啦 佢上到枱係熱辣辣嘅而且好多湯汁 不過我覺得佢個湯比較油 而且佢個餡調味偏鹹🤔所以唔錯嘅 但係又未到好好食咁 反而我覺得佢個燴麵好食啲🤣🤣·#rbyeat#rby中菜#rby灣仔·📍灣仔蘭杜街2號麗都大廈地下3號舖

Craving for some healthy food, especially noodles, before hitting the gym, I decided to try out Lan Du Xiao Long Bao in Wan Chai.The tea set is really of great value. The portion of this Stewed Vegetable Noodles with Chicken was big enough for an early dinner (and I didn’t feel hungry after a 45-min cycling class). The Shanghai noodles were nicely cooked, very tender. The chicken pieces were juicy and flavored. And the broth was superb, I can’t stop sipping it while eating the noodles. What I li

收工同男朋友約左係灣仔食飯，本身想食越南野，開見到呢間新開就決定入去試吓可能新開張所以餐牌食物唔算多有啲嘢食都要問先知有冇供應。首先當然要嗌小籠包呢度嘅小籠包皮薄餡靚又多汁湯頭唔會太鹹，幾鮮味！亦都唔會好似出面嗰啲咁好細隻少少size算正常。另一個就要咗醉雞，酒味香濃，雞肉嫩滑又唔會骨多過肉，冇嗰種雪藏未。食落似新鮮整出嚟🤪🤪🤪上海菜又點少得紅燒獅子頭，呢度嘅獅子頭好大粒，唔會炸得過火亦夠晒香味唔會一夾就散。嗰醬汁都好鮮甜唔會過鹹，送飯一流！呢個價錢黎講，都算幾高CP值！問一問店員先知原來有豆漿，當然要叫翻杯！呢度既豆漿應該唔係自己煲出但豆味香濃亦唔會太甜🤪聽店員講之後會update menu，算高CP值，可以再戰🥰

今日心血來潮想食小籠包,食lunch我就提議去公司附近嘅 蘭度小籠包,好食又正宗,仲有我最鍾意嘅酸辣湯和酒釀丸子,唔收加一,的確經濟實惠！小籠包皮薄餡靚,咬一口湯汁豐盈緩緩流出,豬肉餡料嫩滑新鮮,蘸上醋汁減膩提鮮！生煎包即叫即煎,新鮮熱辣,生煎包質地軟熟,底層微微燒焦鬆脆,焦香撲鼻,內裏肉質嫩滑,有嚼口和飽足感！紅燒獅子頭做得十分出色,口感鬆化軟熟,內裏保存肉質嫩滑,肉汁鮮甜,調味適中不會太鹹,送飯一流！酸辣湯材料豐富,稠身程度調較恰當,辣中帶酸十分醒胃！酒釀丸子酒釀芳香飄逸,丸子軟熟q彈,甜中帶酸, 容易入口,給人帶來一種暖胃潤喉嘅感覺！

識我既人都知我鐘意食上海菜。 今日尼到食小籠包生煎包既專門店， 價錢實惠，味道唔錯， 尼間餐廳就係正太古廣場對面條街。雖然餐廳睇落樸素， 但食物唔錯架！ 但係呢個地方係靜啲。 我地岩岩係沙灘出尼， 兩隻餓鬼要開餐了。 叫左一份小籠包， 生煎包，上海粗粉，雞絲粉皮，酸辣湯。 今日同我出尼既朋友食量比我更驚人， 加上餐廳食物唔算貴， 我地真係食哂係熨嘴生煎包啊！ 皮薄餡靚，正！ 小籠包正常味道上海粗炒都唔錯，唔會太油膩， 而且好多菜係入面40 幾蚊大大碗既酸辣湯， 足哂料！ 雞絲粉皮既芝麻醬好好味， 好香， 粉皮口感嫩滑， QQ的。 值得推介！ 餐廳雖然裝修簡單， 但係食物質素同價錢都吸引， 係一次愉快既dinning experience , 推薦雞絲粉皮同埋生煎包， enjoy!

灣仔新開嗰間上海嘢之前放工去咗食晚餐。二人行，叫左都幾多野食，叫左小籠包，清燉獅子頭， 嫩雞煨麵，同埋豆沙鍋餅。首先，想講下個嫩雞煨麵。 我覺得麵好出色， 佢嘅面質唔會過林，湯底清甜，有好多菜碎，雞肉都冇雪腥味。好推薦！😋😋😋跟住想講下佢個小籠包，小籠包皮薄餡靚， 唔似買返嚟嘅雪藏小籠包，有啲似喺台灣頂xx嘅小籠包。清燉獅子頭， 性價比高， 有好多小白菜伴碟，加多一個飯就已經係一個營養豐富嘅午餐！難得出街食飯，雖然已經好飽，但我地決定食埋個甜品😂😂😂 好彩有叫渣，好好食。佢個皮脆脆地，煎到金黃， 薄薄地，入面再包咗少少紅豆蓉，紅豆蓉唔會太甜，絕對係一個加分位！呢一款甜品比高力豆沙健康啲，因為佢冇咁甜。事頭婆仲同我哋講佢都好鍾意食呢一款甜品！有時自己會清到一碟！

中國菜當中我哋比較鍾意食上海野，感覺比較啱我哋口味。今日來到灣仔站和金鐘站交界的這間上海店。佢哋餐牌上有很多傳統上海菜色。小籠包係分開兩個蒸籠上，每一籠有兩隻。湯汁都幾多，外皮嘅厚度適中，肉都好鮮嫩，加上少少黑醋連薑絲一齊食感覺不錯。牛肉餡餅平時比較少食，呢度嘅餡餅做得應該唔錯。外皮香脆，裏面嘅牛肉都幾多汁，都幾鮮嫩，紅燒獅子外邊燒得幾香口。裏面加咗少少馬蹄令到成個口感都比較豐富爽口。醬汁都調得幾好味，值得一讚！炒飯材料份量都好多，有蝦仁、雞肉、火腿、菜粒等等。佢哋嘅蝦仁用鮮蝦，感覺都幾新鮮有咬口。整體來講呢餐感覺不錯，店員服務態度親切，都幾熱心為你介紹菜式。餐牌上面其實都仲有上海甜品，下次好想試吓豆沙鍋餅同埋雷沙湯丸

話說幾年前曾經去過上海一次而我最掛住嗰度嘅嘢就係當地的小籠包同埋生煎包 今次嚟到灣仔見到呢一間充滿上海風味嘅小籠包店 當然要去食食✨小籠包呢到食野點可以唔試吓小籠包 ，小籠包皮薄咸靚，入邊好多湯汁，甜而不油膩，我拎個陣小心翼翼，好彩冇整穿個包😛✨生煎包生煎包相對平凡少少，冇傳統上海生煎包咁多汁同埋入面略嫌乾咗少少，不過整體來講係好食嘅✨雞絲粉皮成餐飯最正嘅一道菜！ 呢度雞絲粉皮極度足料，落咗勁多勁濃郁嘅花生醬，好有果一種沙沙地嘅感覺，雞絲用左雞俾肉做，食落口感好嫩 花生醬俾咗一種額外邪惡嘅感覺😛✨蘭度炒飯用咗招牌名來命名嘅炒飯 係一個簡單嚟但係非常好食嘅炒飯入面有蝦仁蛋絲翠玉瓜絲，仲有一個好入味嘅炒飯底，材料雖然平凡，但係炒得非常好食，值得一試

今日去咗灣仔一間新開嘅小籠包小店，平時晏晝食飯聽講爆曬場，所以我都好醒目預先打咗去book位食晚市。我同朋友一共帶咗五個餸，等我逐一為大家介紹食上海菜一定叫試小籠包，呢度嘅小籠包全部都係皮薄餡靚，感覺唔似工廠制，小籠包入邊好多汁，一定要食呢個鹹肉津白，味道普通，津白感覺唔係十分細嫩，但係整體都好食嘅牛肉餅，有少少似去清真館食嗰啲牛肉餅咁咁，外脆內軟，同小籠包一樣好Juicy紅燒獅子頭，獅子頭唔會過淋，但又唔會太實，算係我係香港食過最好食既埋尾仲有個上海粗炒，炒得好有鑊氣，熱辣辣好好食總體來講呢間野唔算特別平，但係每一樣野都有質素，推薦大家黎試

今日同朋友咁啱經過灣仔，行緊去金鐘嘅途中，突然有啲肚餓，所以就去咗食飯。見到身旁呢間食小籠包既餐廳，就入左去食。我地叫左一個蘭度炒飯、一個小籠包、一個紅燒獅子頭、仲有一個雞絲粉皮。先講小籠包，小籠包包皮十分薄，夾起佢既時候都要份外小心。一咬落去肉汁就隨住破口爆出黎，非常好食。整體黎講，呢個小籠包十分高質。蘭度炒飯亦都很好食。炒飯炒出黎火喉好夠，鑊氣足，每粒飯粒粒分明，夠乾身，唔會黐埋一舊舊咁。味道方面，炒飯炒得好入味，有蛋香，非常好吃。雞絲粉皮亦都好好食，粉皮夠彈牙，再配上濃味嘅麻醬，同埋雞絲，作為前菜十分醒胃。最後紅燒獅子頭亦都不錯。獅子頭香味十足，豬肉肥瘦均勻，肥而不膩，配飯食一流。整體來說，今餐都十分高質，尤其係小籠包，我同我朋友都好鍾意食！

先看一下菜單～菜式的種類不多，不過看起來大部分都很合胃口🤤我們今天一行三人，點了一共五道菜🖐🏻紅燒獅子頭 $88肉質鬆軟，入口即溶，如果份量再多一點就更完美了鹹豆漿煮勝瓜 $68豆漿鹹香，勝瓜鮮甜，吃起來很順口，是我今晚最喜歡的一道菜👍🏻牛肉絲雙面黃 $62就是正常肉絲炒麵的味道，還蠻香的，不錯～酸辣湯 $58份量很足夠，能吃辣的可以一試🌶生煎包 $45端上來的時候是燙手那般熱，是新鮮做好的👍🏻包底很脆，咬下去可以吃到熱燙的肉汁這頓飯吃了 $321，平均每人要花 $107價格相宜，下次還會再來的～

用得嚟做店名嘅小籠包果然有質素，一夾起係，皮係薄到可以見到入面有好多湯同餡。個皮好薄好滑，最重要係有湯阿！湯簡直係小籠包嘅靈魂，有湯汁絕對係昇華咗，我覺得好食過鼎xx，價錢仲相宜好多。另外令我驚喜嘅就係清燉獅子頭，以往食嘅獅子頭都會好乾好難入口，但係呢度嘅獅子頭除咗有上湯可以一齊食之外，肉質非常滑嫩，完全無食緊一粒大魚蛋好求其嘅感覺。入面仲有竹笙，連湯同獅子頭三樣一齊食，非常豐富，上湯都好出色，帶出獅子頭嘅鮮味。就咁睇店舖位置好似好遠，但係店出面有電車站，喺銅鑼灣行完街搭電車過嚟，一落車就到好方便。