中華小館

營業中

休息中

之前收工飯嚟過一次覺得好好食，今日再帶埋媽媽過嚟，慶祝佢嘅生日🎉食物：☀️☀️☀️☀️☀️環境：☀️☀️☀️☀️☀️服務：☀️☀️☀️☀️碧綠雲耳炒百合，翠肉瓜同雲耳嘅配搭令人回味無窮。特別係翠肉瓜，口感豐富而且好清香，帶父母嚟食呢味一定無錯👍！卜卜脆燒腩仔一定要試吓！啖啖卜卜脆...脆皮仲脆過薯片添😭肥瘦相間嘅燒肉入口即溶完全唔會膩！再配埋自家制醬汁好惹味！醬氣香味十足嘅麻香鳳爪😍外皮好煙韌，食落軟糯軟糯嘅，好食唔膩，入口一吸就脫骨！加上麻香味好香，啖啖都係骨膠原！甜品再嚟一碗冰涼嘅水蜜桃糖水🤤食完飯食呢個真係太幸福🥰大大舊嘅水蜜桃果肉，果肉好鬆軟綿密，糖水都唔會太甜，媽媽一啖就食晒😆最後我哋兩個人都食得好飽，每一道菜都好送飯尤其係我最愛嘅燒腩仔😘