影片
更多
2022-08-21
4373 瀏覽
上網見到Madame Fù x MZ Skin推出"The Luminosity" Afternoon Tea，呢間本身想去好耐，主要因為個地點，舊建築活化，前身為中區警署，百年歷史的古典建築，活化後為大館，設有展覽館、商店及餐廳等，雖然有時會去行下，但就冇入過餐廳幫襯，趁今次見到個Tea介紹同有野送即試下，因為多數3人去，呢間都係一個好選擇(因為有1人Tea)，係openrice book位超方便。假日的下午茶時段，都幾多人，準時去到都要等一陣先有位。餐廳外的長廊，設有用餐位置，甚有異國風情之感。我地3坐室內(我想室內多點因為有冷氣www)，內堂面積不大，個裝潢好似唔同左，唔知係味跟返主題...內堂感覺復古，磚牆、藝術掛畫、門窗透入的光線、青綠色梳化及植物佈置，古典之餘亦有著清新自然之感，假日多數外國人，充滿熱鬧氣氛，但因餐廳隔間比較差，同一時間有點嘈(少少似酒樓FEEL)，睇個人想要熱鬧氣氛(室內)定寧靜氣氛(室外)呢。The Luminosity Afternoon Tea$338一位$550兩位鹹點甜點Earl Grey，茶具精美。龍井，好奇想試下中式。原味鬆餅及葡萄越莓鬆餅，
上網見到Madame Fù x MZ Skin推出"The Luminosity" Afternoon Tea，呢間本身想去好耐，主要因為個地點，舊建築活化，前身為中區警署，百年歷史的古典建築，活化後為大館，設有展覽館、商店及餐廳等，雖然有時會去行下，但就冇入過餐廳幫襯，趁今次見到個Tea介紹同有野送即試下，因為多數3人去，呢間都係一個好選擇(因為有1人Tea)，係openrice book位超方便。
假日的下午茶時段，都幾多人，準時去到都要等一陣先有位。
餐廳外的長廊，設有用餐位置，甚有異國風情之感。
我地3坐室內(我想室內多點因為有冷氣www)，內堂面積不大，個裝潢好似唔同左，唔知係味跟返主題...內堂感覺復古，磚牆、藝術掛畫、門窗透入的光線、青綠色梳化及植物佈置，古典之餘亦有著清新自然之感，假日多數外國人，充滿熱鬧氣氛，但因餐廳隔間比較差，同一時間有點嘈(少少似酒樓FEEL)，睇個人想要熱鬧氣氛(室內)定寧靜氣氛(室外)呢。
The Luminosity Afternoon Tea$338一位
$550兩位
鹹點
甜點
Earl Grey，茶具精美。
龍井，好奇想試下中式。
原味鬆餅及葡萄越莓鬆餅，鬆餅用布包住保溫，微熱的鬆餅，口感鬆軟微甜，配上德文郡忌廉及Madame Fù特色玫瑰果醬更美味。
菲達芝士及黑橄欖青瓜卷，造型天然，青瓜爽脆，芝士味唔算好濃口感軟滑，清新之感。
煙三文魚迷你鬆餅，餅底似pancake，甜甜地，鹹香的煙三文魚伴上清香的欖橄，正常水準。
水晶蝦餃皇，出現點心!(不過都唔出奇話晒都係中菜館)，色彩繽紛，外皮柔軟蝦大粒爽口，幾好味，但凍左爭點。
粉紅胡椒粒蟹肉沙律撻，唔太覺有鮮味，普通。
松露蛋沙律酥皮餡餅配醃漬花椰菜，粉紅色的醃漬花椰菜除了作點綴外，帶點調味之用，松露唔算好強烈，普通。
血桃忌廉泡芙配慢煮水蜜桃，泡芙口感太腍，個味好淡。
巴巴龍井蛋糕配紅桑子忌廉，蛋糕口感軟腍濕潤，紅桑子忌廉酸酸地怪怪地味道。
沙棘撻配粉紅蛋白霜，味道怪怪地，好酸同有點藥水味。
松露朱古力，朱古力味淡，但甜點來講最好味。
士多啤梨慕絲及黃金閃爍啫喱，士多啤梨慕絲味道淡。
贈送的禮品，即場比，方便。覺得鹹點普通，甜點一般，賣相係幾靚，但味道上試一次就算了。
張貼
