榮哥煮場 (已結業)

上星期第二次嚟幫襯，相信因為當時係星期五晚人客頗多，結果份量比首次幫襯時大減! 大大大失所望! okay.... 俾次機會榮哥，揀平日唔多人客去幫襯，睇睇咩結果先!係門口望入去，今次人客唔多，係我地嘅預期，不過結果係..... 唔行入去就唔多客，坐唔夠半個鐘就全院滿座! 所以快快食完快快走唔好阻人做生意!今次幫襯回復當初喇！ 魚翅份量無減少喲，味道同質素不需多講喇，差就唔會三顧草廬囉!連甜品椰汁西米露都好過上次，今次係冰凍夾自己口味，而上次係暖.蒜蓉蒸勝瓜食過兩件都有渣，但女友小熊話正常，即係我臭手?魚翅濃湯內嘅雞肉嫩滑非常，同上次一樣質素無變.今次幫襯好滿意，即係幫襯攻略係以後要平日先嚟幫襯!最後，餐廳可以用 apps 落單，但 apps 用三次都係唔暢順唔好用! 另外環境偏窄，座位唔太舒服.最後，飲完熱辣辣嘅雞湯，冷氣唔多夠，飲到成身臭汗.