うなぎ四代目菊川

營業中

休息中

Lee Garden 經歷幾年大裝修改頭換面，商場景況陸續復常，多間新餐廳相繼登場。近幾個月率先揀了兩間試試。第一間是只聞樓梯響的 四代目菊川，因為看見其裝修告示板足足看了無一年都大半載，終於開業即刻一座難求(頭一個月)。網上訂座每位需要落訂$200，no show先至會扣數。講番個鰻魚飯，主要安排兩款食法：蒲燒一本重及一本鰻魚三吃。名物“一本鰻”就是整條鰻魚，一本重就係一向食開的方法，不過就有整條鰻魚鋪在飯面。不十分大口胃的朋友擔心食唔晒可以點少飯或一個較細的portion。三吃就是額外多給一個湯做鰻魚湯飯。我在日本試過，對於鰻魚飯還是較喜歡由細到大食開的吃法。蒲燒一本重$398，從味道、環境、質量、份量、地點、品牌等等加起來，我認為未算過份昂貴。我已經去過4次，質素穩定，我每次都會額外多點一份玉子鰻魚(正確名稱忘記了)，一碟6件，喜歡玉子的朋友應該會滿意。餐廳每席用餐90分鐘，對於食一餐鰻魚飯來說我覺得夠晒時間。當然，如果是為了和親朋相聚傾偈，限時限刻未必是一個好選擇，但如果純粹講食，這店值得一試。