Potato Corner

營業中

休息中

放工有啲口痕，路過中環街市嘅炸薯條就好想食，所以買咗兩樣：1）炸薯條（燒烤+辣燒烤味） - Mega size薯條有肉，唔會炸到乾脆，燒烤味不論係辣定唔辣，都超級惹味，最愛呢個味道！份量超多，真係啱兩個人食！2)炸薯仔波波 （芝士味） - Jumbo size薯波係好難炸得好食，唔係炸到過脆，就係炸到個外皮過燶，成暗黃色 。呢度就炸得好專業，外皮keep到脆之餘，內裏啲薯仔粒仲可以保存到水份，有肉 。最鍾意食到炸薯條入邊係仲有薯仔肉嘅，做到外脆內軟嘅效果。外賣自取唔算等咗好耐，全部都係即叫即炸即Shake Shake味道，所以一定係最新鮮熱辣脆卜卜，最緊要係炸得唔過火，呈金黃色，冇燶到 。