里木

營業中

休息中

姊妹終於帶我嚟見識吓世面喇 帶我食最高級嘅日料OMAKASE，仲點咗最貴嗰個set 每人要$1980。一入嚟就可以感受到餐廳嘅高級感，裝修得好有日本風格，好relax 嘅感覺。之後店員就帶我哋入座喺吧枱前，唔耐今日會招待我哋嘅廚師就嚟打招呼，問咗我哋有冇食物敏感嘅問題呀咁，service 非常好 成餐食咗10樣嘢，食完都好飽，邊個話omakase 食唔飽㗎，下次再聽到實要叫佢哋嚟呢度試吓 10幾樣嘢入面我最鍾意：牡丹蝦+海膽，拔蚌+粒貝配水雲，原隻海膽，炭燒拖羅。啲食材都好新鮮，而且洗得好乾淨，厨師嘅廚藝真係唔係講笑㗎，好專業，每一道菜煮嘅時間都控制得啱啱好 特別係炭燒拖羅，我唔係幾鍾意食拖羅都一啖食晒，讚不絕口。肉質好滑，而且拖羅本身嘅味道都處理得好好，加埋自家制嘅醬汁，好啱我口味。仲有拔蚌同粒貝配水雲擺盤好精緻，話說我呢個第一次見世面嘅差啲就錯過咗窩杯上面粒貝同水雲嘅精華，好彩廚師提咗我。牡丹蝦壽司同海膽嘅配搭，都幾出乎我意料之外。殼付原隻海膽都好正，平時食海膽會有陣苦味，呢個完全冇，好滑好鮮。我哋仲哈左日本清酒送住嚟食，真係正呀甜品用蜜瓜嚟做結尾酸酸甜甜，好解膩。