影片
更多
2008-09-30
12 瀏覽
2008年既4月1日, 係我同太座既結婚五週年紀念, 尋日29/3我地就開始了.慶祝週的第一個節目, 去尖沙咀諾士佛臺, 試下食一間一直都想試但又會係比較貴的餐廳.Island Seafood & Oyster Bar 每年聖誕我同太座都去既俄羅斯餐廳就響呢間餐廳樓上, 而且同是景樂的成員.我地七點半去到門口, 人唔太多....??? 死火, 唔係貴成咁呀嘛? 睇下D餐牌, 除左個Set Dinner外, 唔見有蠔賣既?正當我同太座嚇到唔敢表露身份自己訂了檯, 一個景樂的公關出現了.原來餐牌冇蠔, 蠔吧內就有十幾二十款蠔, 價錢由三十幾至百幾蚊一隻既都有.我地才放下心頭大石. 入到去待應帶左我同太座上閣樓, 全間餐廳一眼見晒, 蠔吧就更加響我地旁邊既樓下, 我同太座草草點了各一個基本平平地既set dinner(三百二十幾,每人), 有三隻法國生蠔, 主菜要了羊肩及加七十蚊要左個燒龍蝦, set dinner唔講住, 講正題先我同太座兩個人各自另外試了六隻五款不同的蠔, 佢地D名我都唔記得了, 只記得美國蠔就Creamy好多, 法國蠔好重礦物味道濃郁, 我食了兩隻什麼 "四個零的"
慶祝週的第一個節目, 去尖沙咀諾士佛臺, 試下食一間一直都想試但又會係比較貴的餐廳.
Island Seafood & Oyster Bar
每年聖誕我同太座都去既俄羅斯餐廳就響呢間餐廳樓上, 而且同是景樂的成員.
我地七點半去到門口, 人唔太多....???
死火, 唔係貴成咁呀嘛? 睇下D餐牌, 除左個Set Dinner外, 唔見有蠔賣既?
正當我同太座嚇到唔敢表露身份自己訂了檯, 一個景樂的公關出現了.
原來餐牌冇蠔, 蠔吧內就有十幾二十款蠔, 價錢由三十幾至百幾蚊一隻既都有.
我地才放下心頭大石.
入到去待應帶左我同太座上閣樓, 全間餐廳一眼見晒, 蠔吧就更加響我地旁邊既
樓下, 我同太座草草點了各一個基本平平地既set dinner(三百二十幾,每人), 有三隻
法國生蠔, 主菜要了羊肩及加七十蚊要左個燒龍蝦, set dinner唔講住, 講正題先
我同太座兩個人各自另外試了六隻五款不同的蠔, 佢地D名我都唔記得了, 只記得美國蠔就
Creamy好多, 法國蠔好重礦物味道濃郁, 我食了兩隻什麼 "四個零的" 法國蠔
百幾蚊隻架, 另外同太座試了一種細隻抵食的美國蠔Eagle Rock, 三十九蚊咋
都好唔錯. 老實講呢轉蠔就係戲肉了, 雖然食得好滿足, 不過就唔多盡興,
因為只係食蠔都食左成千蚊........ 其中有一款美國蠔Creamy程度係正到爆既.
當晚食飯少不免又開番支酒, 今次食海鮮, 所以開支白酒飲, 法國04年, 邊度?
唔記得lu 不過支酒好香好好飲. 三百五都OK啦. ^^
食完蠔就先至開始食set dinner, 餐前龍蝦湯, 正!! 我不嬲唔多飲龍蝦湯,
亦可以話冇乜邊間既龍蝦湯我係會覺得佢好飲. 呢度既龍蝦湯我仲想問下有冇添!
除左湯仲有麵包都好好食.
主菜主要是濃味的, 所以千祈唔好諗住食完先食蠔呀, 因為食完你就唔想食蠔的了,
個燒龍蝦唔錯, 好鮮甜, 整得好靚, 好好食, 但個羊肩就, 都整得好靚, 只係
完全食唔到羶, 食羊就一定要食羶架啦, 我睇過一篇食文就係批評人地煮羊肉有羶
味, 不過我研究過佢地D香料唔重, 應該可以落Order時講明唔去羶.
食完晒主菜, 食雲尼拿雪糕及蘋果卷, 好好食, 雪糕好似係自製咁, 香滑心軟. 正.
最後連餐飲既咖啡都係正野, 絕對好飲過專門店果D, 我不嬲唔飲咖啡, 只飲好飲既!
縱觀呢間餐廳係好野, 不過好高消費, 平平地唔係唔得, 平平地就去食大家樂啦!!
張貼