影片
更多
2020-11-28
650 瀏覽
［尋味九龍東］收工口淡淡唔知食咩嘅時候突然諗起創業街開左間靚靚嘅車仔麵鋪。基於本人成日都想支持本地中小企嘅關係即刻揸車去試試⋯入到去裝修完全行日式簡約風，重點係比起同區好多所謂日式餐廳更乾淨、亦無油煙味！拎起餐牌見佢有車仔麵有飯有早餐，即刻有啲失望，因為風深信只有專注至有好味道。不過既然都入去左，就俾個機會佢哋同樣比個機會自己⋯而既然佢地打正招牌話係車仔麵鋪，我理所當然試下佢地個車仔麵。睇到車仔麵個餐牌時有啲不知所措，因為佢有傳統嘅車仔麵餸、又有拉麵嘅餸（糖心蛋？？Are you sure??)不過好在湯底都有好多選擇，我揀左雞湯再加胡椒味⋯然後餸我就揀左花膠、魷魚同埋秋葵⋯上枱個麵都幾靚仔，如果係第一次幫襯餐廳試味，我一定會試下佢啖湯嘅⋯一入口清甜，無咩胡椒味（後來至發現原來胡椒味係要撈混胡椒粒之後慢慢出味。）個個湯底好好飲，絕對無加味精，撈混左胡椒後更惹味同暖胃，已經好多年無遇過咁高質嘅湯底，之前就算遇到都係拉麵鋪，車仔麵真係諗麵無諗過⋯秋葵嘅味道味就係秋葵囉！唔可能有變化，不過嗌得秋葵麵預左⋯如果大家搵到間覺得好好食或者好難食嘅秋葵麵歡迎同得講，因為可以改變到秋葵嘅味道同質感都算
收工口淡淡唔知食咩嘅時候突然諗起創業街開左間靚靚嘅車仔麵鋪。
基於本人成日都想支持本地中小企嘅關係即刻揸車去試試⋯
入到去裝修完全行日式簡約風，重點係比起同區好多所謂日式餐廳更乾淨、亦無油煙味！
拎起餐牌見佢有車仔麵有飯有早餐，即刻有啲失望，因為風深信只有專注至有好味道。不過既然都入去左，就俾個機會佢哋同樣比個機會自己⋯
而既然佢地打正招牌話係車仔麵鋪，我理所當然試下佢地個車仔麵。
睇到車仔麵個餐牌時有啲不知所措，因為佢有傳統嘅車仔麵餸、又有拉麵嘅餸（糖心蛋？？Are you sure??)不過好在湯底都有好多選擇，我揀左雞湯再加胡椒味⋯
然後餸我就揀左花膠、魷魚同埋秋葵⋯
上枱個麵都幾靚仔，如果係第一次幫襯餐廳試味，我一定會試下佢啖湯嘅⋯
一入口清甜，無咩胡椒味（後來至發現原來胡椒味係要撈混胡椒粒之後慢慢出味。）個個湯底好好飲，絕對無加味精，撈混左胡椒後更惹味同暖胃，已經好多年無遇過咁高質嘅湯底，之前就算遇到都係拉麵鋪，車仔麵真係諗麵無諗過⋯
秋葵嘅味道味就係秋葵囉！唔可能有變化，不過嗌得秋葵麵預左⋯如果大家搵到間覺得好好食或者好難食嘅秋葵麵歡迎同得講，因為可以改變到秋葵嘅味道同質感都算係創舉⋯我真心會去試⋯
花膠分量算充足、16蚊有兩塊，有少少膠質得黎亦彈牙，唔會話太硬又唔會溶到一舊咁，以16蚊黎講算好超值⋯
魷魚一開始食就覺得不過不失，不過食多一兩舊發現越來越出味，好香、少少辣味開始惹味同醒神，好味！！
總體而言成碗麵嘅份量偏少，不過絕對係高質素嘅車仔麵。佢不同於普通嘅車仔麵，亦有保留車仔麵嘅風味！！
個人黎講雖然未算驚為天人不過都係強烈推薦。
如果大家都想支持本地小店亦自問係嘴尖一族真心值得一試。
如果係當區工作，食lunch去絕對係上佳選擇（除左多人難等位外⋯過左12:45根本上一定要等位）
張貼
