豚王 (已搬遷) 新店位置

咁岩同朋友喺銅鑼灣行街,,行到好攰,,就決定去搵食,,咁就走左去試豚王...因為係食飯時間,,去到已經有兩三個人排緊隊,,不過同朋友等左一陣都已經入得去...等既期間,,服務員俾左一張紙我地選擇食乜嘢,,我就揀咗最普通嘅豚王...因為我都係第一次食,,咩都唔識,,所以D味道配搭就由師傅決定!入到去坐低無幾耐就已經有得食)嘩!個麵好香呀!急不及待咁就先試下個湯,,個湯好清,,有好濃郁嘅豬骨味,,就算飲晒都唔覺得口渴!而且啲面軟硬適中,,豚肉一啲都唔油膩,,整體嚟講好perfect!其實一碗麵都幾大下,,食完都幾飽...惟一不足嘅係,,溏心蛋要加錢,,好多其他配料都要加錢!豚王($78),,價錢都算合理,,因為質素幾高,,所以覺得值...鍾意食拉麵嘅人,,一定要試下!! 絕對食過番尋味!! 有機會都一定會再去食!!