Quarter Master (已結業)

踩單車去到西營盤，諗住上第三街，高街蘇豪區食晏，由東邊街上，經過第二街，見到有間叫Quarter Master餐廳，隔離就係Bones & Blade凍肉店，去過巴西經驗話我知，如果開凍肉店嘅舖頭有埋餐廳，D肉類一定好食；但又想上去第三街，高街睇睇有無其他餐廳，發覺都係大同小異，決定落返去Quarter Master.嚟到問肥仔廚師最細嘅burger係咩size, 因為之後仲要踩車，唔想食太飽； 佢話佢地一率都係150g嘅澳洲牛，咁我就叫咗個cheese burger加onion, 唔使幾分鐘就送上檯，個包好軟熟，一咬落去好多肉汁，唔係血水，cheese都溶到7788,洋蔥係熟嘅，全部味道都夾到好好，肉鮮無甦味，雖然成個包都唔細，但好快就食完一個，唔油膩，真係好想叫多個，唯有等下次。肥仔廚師好友善，入到呢間餐廳感角似係外國。