影片
更多
2019-01-16
365 瀏覽
上到去個場只剩返食記啲吉枱，無選擇之下我哋坐咗喺食記度。我哋一行八個學生，叫咗三個叉燒蛋飯($38@1），三個雲吞麵($28@1），一個叉燒湯河($30@1），一個乾炒牛河($38@1)。其實本來呢個價錢都叫做正常。不過嘢食嚟得好慢，味道同份量就真係非常離譜，特別係乾炒牛河份量極少，唔講真係以為係「干炒牛河麵餅」，完全唔夠飽，仲有芽菜多過河粉，而且成碟野非常之油淋淋，唔知食咗啲咩落肚。其他粉麵類都係極少份量，攝牙啦都唔夠。其他粉麵嘅湯底其實係死咸，應該係加咗好多魚露，質素完全係低。除此之外，服務質素頗為差。同行有個同學因為唔想飲嘢所以落單時冇叫到嘢飲，但個侍應轉個頭走來問飲咩，同學最後叫咗杯熱華田。喺大家食緊嘢嘅時候不時走過來我哋附近眼望望，雖然好少事但係好似俾人監住食嘢咁好唔自在。最後大家都食得唔太飽，埋單嘅時候見到價錢真係眼都突埋。食叉燒蛋飯嘅同學要俾$57 ，食雲吞麵同叉燒河嘅同學要俾$47，食乾炒牛河嘅同學要比$55。。。我哋心諗嘢飲要成差唔多$20，本身以為係跟餐加多幾蚊，點知原來係分開。我哋都覺得好唔抵，因為食物質素低到其實連$20都唔值。總括而言，成間野都真係唔合格，其實
我哋一行八個學生，叫咗三個叉燒蛋飯($38@1），三個雲吞麵($28@1），一個叉燒湯河($30@1），一個乾炒牛河($38@1)。
其實本來呢個價錢都叫做正常。不過嘢食嚟得好慢，味道同份量就真係非常離譜，特別係乾炒牛河份量極少，唔講真係以為係「干炒牛河麵餅」，完全唔夠飽，仲有芽菜多過河粉，而且成碟野非常之油淋淋，唔知食咗啲咩落肚。其他粉麵類都係極少份量，攝牙啦都唔夠。其他粉麵嘅湯底其實係死咸，應該係加咗好多魚露，質素完全係低。
除此之外，服務質素頗為差。同行有個同學因為唔想飲嘢所以落單時冇叫到嘢飲，但個侍應轉個頭走來問飲咩，同學最後叫咗杯熱華田。喺大家食緊嘢嘅時候不時走過來我哋附近眼望望，雖然好少事但係好似俾人監住食嘢咁好唔自在。
最後大家都食得唔太飽，埋單嘅時候見到價錢真係眼都突埋。食叉燒蛋飯嘅同學要俾$57 ，食雲吞麵同叉燒河嘅同學要俾$47，食乾炒牛河嘅同學要比$55。。。我哋心諗嘢飲要成差唔多$20，本身以為係跟餐加多幾蚊，點知原來係分開。我哋都覺得好唔抵，因為食物質素低到其實連$20都唔值。
總括而言，成間野都真係唔合格，其實俾啲咁嘅嘢人食都真係好過份。加上服務質素好極有限，絕對冇下次。
張貼
