Sense Cafe (已結業)

應友人之約，今晚去呢間樓上Cafe開餐，地點易搵，一出港鐵站行幾分鐘就到有晚市套餐供應，多款主菜中，有意粉/意大利飯/肉類，價錢最貴都唔過$200，抵食喎!打頭陣係忌廉南瓜湯，入口淡淡南瓜味，如果有埋片脆多士伴食就GOOD啦!飲完湯就食凱撒沙律，一客份量都唔少，爽脆沙律菜淋上凱撒沙律汁，開胃菜!喜愛香蒜味意粉，咁岩就有蒜香黑松露虎蝦扁意粉 ($108)呢款主菜，擺盤相當別緻，露荀嘅綠色分外搶眼虎蝦煎香過，蝦肉入口算彈牙，沾上黑松露醬，多一份味道而個扁意粉應該用蒜油去炒，多一點油膩，軟硬度適中，而蒜味稍為蓋過左黑松露味，尚有其他菇菌類作為配料，增加整體口感!燒鷄翼.......我鍾意食........呢客蜜糖鷄翼 ($58)，今晚難逃於我個胃入面啦!  第一啖入口有香甜蜜糖甜味，有點似曾相識嘅感覺，係啦...........似去BBQ時食嘅搽蜜糖鷄翼，外皮唔算脆，但肉都有蜜糖甜味，趁熱食正呀!另一客主菜為牛魔王朋友而設，香煎美國安格斯肉眼扒 ($188)，無寫明幾多安士，但實物都有返咁上下份量最歡喜見到呢D燒紋，硬係未食都覺得應該唔差得去邊點了五成熟，切開入面仍然見到紅色，入口外硬內軟，