中華小廚 (已結業)

中華小廚既炒粉麵飯一向都好食，今日突然好想食楊州炒飯，所以都唔使諗大約12點左右去左中華小廚。叫左個飯等大約10分鐘左右就有，次次都係好快上菜而又熱辣辣既。佢應該有好多個廚係到做緊野...個飯炒得好乾身而火腿、叉燒同埋蝦既比例岩岩好，成個飯都係最經典既楊州炒飯味道，唔會好似有D餐廳咁冇落到蝦或者火腿同埋生菜絲。因為真係太肚餓同埋佢炒得太好食，我用左唔夠10分鐘就食哂...但都唔會話好渴要係咁飲野，滿足既一餐!