行來發餐廳

營業中

休息中

同老婆去坪州行下，早上乘渡輪出發約三十幾分鐘便到，行咗半個坪州後見差唔多食晏時間，便隨便搵間食肆坐低食午餐兼休息下，由於係平日關係有啲食肆都冇開門，但就見到呢間都有啲本地人食緊晏，於是決定入去試下。呢間食店都應該開咗有一段日子，簡單嘅裝修，牆上還有啲歷史嘅照片，再看看餐牌，價錢都唔貴，炒粉麵飯一般都只係五六十元。大熱天時行完山都冇乜胃口，於是只叫了碟肉絲炒麵加罐冰凍嘅可樂。大約等咗20分鐘碟肉絲炒麵才到，一上檯見到都幾大碟下，麵係炸過脆卜卜， 鋪喺面嘅肉絲同啲銀牙都好多下，真材實料冇花假，以咁嘅價錢都算係抵食，味道都幾好！