繽紛維苑餐廳 (已結業)

2日內訂到位而又就腳既自助餐酒店唔算多，而呢間都算唔錯選擇。話說今次臨時決定一家人一起吃自助餐,而因有3位老人+2位嬰孩，食量較少關係，想搵一間比較經濟而又臨時訂到位既自助餐，最後經朋友介紹決定一試呢一間。又下車一刻，酒店職員已經好殷勤接待，見我既推住bb車,幫我嘅撳電梯推門不在話下，最緊要係笑容滿面。餐廳內座位不多但座位寬敞，原本收費成人約$450,小童/長者$350,即場可免費申請會員卡,便立即可全單七五折，折後價錢都算便宜。至於食物方面，唔會令你眼花撩亂嘩嘩聲，只喺大路食物每樣都有啲，最重要客人唔多，唔使輪米咁排隊，鵝乾和牛每次都唔限數量，而我至愛嘅魚生仲可以自己任夾唔使好似其他餐廳咁每次配給兩片。反而熱食唔算好多，如果加個粥麵檔咁就完美啦。甜品亦都不過不失，仲有haagen dazs雪糕食。最後梗系搵職員幫我地影大合照，職員姐姐亦都好有耐性同埋揾野吸引bb影相。總括嚟講，如果要求唔太高，食量亦都唔大既人，呢間亦係唔錯選擇，至少係我會回頭既餐廳。