青山灣海鮮小廚 (已結業)

12 個人，2000 蚊海鮮，千零蚊油料錢，每人280，又有海景，服務都ok，夫復何求？開頭見到咁低分都驚驚地，但食落又無乜野喎，好過西貢嗰啲好多！最緊要啲料新鮮，難食極都有個譜。瀬尿蝦，炒蟹都夠惹味。蒸魚，蟶子，鮑魚仔都蒸得唔錯，係個辣酒花螺唔係好夠味。炸蠔好大隻，但火候剛好啲肉重好滑，不過太大隻好飽滯。椒鹽鮮魷啲肉剛好唔靭，其他餸菜都ok。食海鮮大餐又想食得經濟啲，呢度都係一個幾好選擇。