半熟工房 (已結業)

今日平日下午去唔洗排隊咁滯, 好快就買到嚟試. 外表青BB的綠茶芝士撻 講真我覺得有少少似龜殼 開頭見到佢咁綠色以為會好澀, 點知食落口冇苦澀味喎 , 出乎意料地好食. 有綠茶香味之餘, 芝士味仍然在, 原來兩者的味道加埋都好味喎. 個撻餡的質感亦都好正, 軟滑滑咁. 批邊鬆鬆脆脆咁好好味, 食到牛油味, 而且食完一個芝士撻都已經有點飽了, 呢個份量用來做下午茶啱晒.