甘味讚岐手打烏冬

營業中

休息中

其實今次是第二次黎呢間餐廳，還記得上一次黎已經是差不多一年前，當時同事們有些心事要講，所以某一個晩上，便由舊同事介紹之下，黎到呢間位於銅鑼灣皇室堡的甘味讚岐手打烏冬，當晚一行三人安排坐在卡位，透過落地大窗，對正維園夜景，在環境上實在要比五分，而且價錢亦相當合理，在服務方面，也值得讚，因為當晚我們一講就講咗三個鐘，服務員也相當細心，不斷為我們加水。有了上一次滿意的經驗，本人已把此餐廳加入成為心水餐廳，所以今日有事路過銅鑼灣，也第一時間來吃一個日式下午茶。黎到時客人不多，本人選擇了對正維園景的坐位，看看下午茶餐牌，便點了黑豚叉燒豬骨湯讚岐手打烏冬。先試一口湯底，豬骨湯底味濃，但略為過鹹，味精味重了一些，但讚岐手打烏冬，的確係唔同，相當爽口和彈牙，黑豚肉叉燒，肥瘦程度恰到好處，好腍好入味。凍柚子蜜，柚子味濃，甜味適中。以這樣的環境，食物質素，價錢也相當合理，值得一試再試。