古今二 (荃新天地)

營業中

休息中

今次去嘅古今二位於荃新天地，望住廣闊中庭景，非常舒適開揚。龍卷風沙律（$76）個人必點之選，份量多之餘，每樣配料都好新鮮，爽口蔬菜加上鹹鮮海藻、蟹柳同脆片，清新開胃，朋友都讚不絕口！彩虹卷（$116）造型好靚色彩繽紛，卷物上面用咗三款刺身，內餡係牛油果、青瓜同蟹柳，食落比較鮮美清爽。火山（$128）古今二名物之一，睇得又食得，想影靚相記得拎定電話standby，店員等客人準備好就會係長碟兩邊點火，非常適合打卡！青瓜墊底，上面有一座壽司飯山，再鋪滿蟹柳絲加上惹味特製沙律醬同蟹籽，整體口感同味道都唔錯！古今日式煎餃（$56）外皮煎到幾香脆，肉餡多汁，不過餃子皮比較厚身，如果更薄口感應該更佳。