影片
更多
2025-01-27
0 瀏覽
今次嚟到尖沙咀北京道1號嘅靚景餐廳食日式tea set。位於北京道1號嘅8樓，一入到去就見到窗外係對住一個一覽無遺維港景色🏞。好好彩地，有幸可以坐到窗邊位，有得望住靚景食下午茶🫖。鍾意打卡嘅你一定要嚟依間餐廳！成個Tea Set都係走大自然花園路線，加埋維港海景點影都咁出片📸。前菜包括：煙燻三文魚配魚子醬、拖羅蓉鍋巴、海葡萄沙律、巴馬火腿芝士卷、三文魚手鞠壽司、藍鰭拖羅、日本甜蝦、油甘魚、磯之雪雜錦魚生卷咸點包括：唐揚池魚、一口芝士、日式炸蟹鉗甜品包括：日本和菓子、櫻花水玄餅、法式甜品、時令水果、士多啤梨窩夫前菜整體嚟講都好出色，特別係刺身部份🤤。藍鰭拖羅望落油脂分佈好平均有靚嘅雪花紋，肉質非常軟滑，食落有入口即溶感覺，好肥美冇根位，而且帶油香。油甘魚食落完全冇腥味，口感較為有咬口，帶甜甜嘅甘香。日本甜蝦，口感粘粘嫩滑彈力，好鮮甜🍣。炸物方面🍤，全部都新鮮滾熱辣炸出嚟。唐揚池魚炸至金黃色，脆身。帶少少鹹香，可以食到池魚本身魚肉鮮味，唔需要過多嘅調味已經好正。日式炸蟹鉗好彈牙，有好香濃嘅蟹鮮味🦀，沾埋沙律醬食又係另一個風味！甜品會擺放喺另一個靚靚架入面。今次嘅法式甜品係朱古力蛋糕🎂，蛋糕
位於北京道1號嘅8樓，一入到去就見到窗外係對住一個一覽無遺維港景色🏞。好好彩地，有幸可以坐到窗邊位，有得望住靚景食下午茶🫖。鍾意打卡嘅你一定要嚟依間餐廳！成個Tea Set都係走大自然花園路線，加埋維港海景點影都咁出片📸。
前菜包括：煙燻三文魚配魚子醬、拖羅蓉鍋巴、海葡萄沙律、巴馬火腿芝士卷、三文魚手鞠壽司、藍鰭拖羅、日本甜蝦、油甘魚、磯之雪雜錦魚生卷
咸點包括：唐揚池魚、一口芝士、日式炸蟹鉗
甜品包括：日本和菓子、櫻花水玄餅、法式甜品、時令水果、士多啤梨窩夫
前菜整體嚟講都好出色，特別係刺身部份🤤。藍鰭拖羅望落油脂分佈好平均有靚嘅雪花紋，肉質非常軟滑，食落有入口即溶感覺，好肥美冇根位，而且帶油香。油甘魚食落完全冇腥味，口感較為有咬口，帶甜甜嘅甘香。日本甜蝦，口感粘粘嫩滑彈力，好鮮甜🍣。
炸物方面🍤，全部都新鮮滾熱辣炸出嚟。唐揚池魚炸至金黃色，脆身。帶少少鹹香，可以食到池魚本身魚肉鮮味，唔需要過多嘅調味已經好正。日式炸蟹鉗好彈牙，有好香濃嘅蟹鮮味🦀，沾埋沙律醬食又係另一個風味！
甜品會擺放喺另一個靚靚架入面。今次嘅法式甜品係朱古力蛋糕🎂，蛋糕身軟熟。雖然個蛋糕都唔細，但係都可以食得哂，證明朱古力cream唔係死甜，唔會膩。日本和菓子總共有四款唔同味，其中一款係哈蜜瓜味，濃郁的香氣，口腔即刻有好清新感覺🍈。所有和菓子都好煙韌但唔黏口。
張貼
