靖·火鍋 (已結業)

靖火鍋喺新開張嘅火鍋店，主打一人一鍋！是日同同事一齊試新嘢，收工就由銅鑼灣睇住google map慢慢行嚟餐廳，順便做吓飯前運動🤭裝潢設計幾現代，而且燈光勁明亮，同之前去開火鍋鋪果種偏黃燈光唔同，人都精神啲😎就算夜晚都好，都可以望住大大個維港靚view打邊爐，港女must go！(下午嚟相信仲靚)魔鬼在細節，未開始食嘢都已經見到鍋具、餐具都勁精緻🤩超期待嚟緊嘅嘢食！ 大合照先～黃酒杞子走地雞件好入味！而且比左雞髀位🍗肉質好嫩滑！高質牛&豬肉片🤩兩種肉都好高質，脂肪雪花分布得啱啱好；牛肉嘅牛味好濃，肉質好細嫩，忍唔住encore叫多咗碟！同事點嘅新鮮牛蛙🤭由於我唔食田雞嘅關係，所以評論唔到，但聽同事講好鮮甜，想試嘅朋友不妨嗌嚟試試！的骰時菜🥬放到好骨緻，勁Q，好似竹筒咁～羊肉串小食🐑難得地無點食到「蘇」味，相信喺因為用咗香料調製，唔錯唔錯三色麵🍜出奇地呢個麵勁好食！本身已經有咸香，落係鍋底到吸哂味仲正！不過溫馨提示：記住唔好一次過落哂，因為本身呢隻麵有黏性，如果一次落太多有機會會痴底㗎！