影片
更多
2023-08-12
866 瀏覽
餐廳：G-NET (大埔)地址：大埔運頭角里4號富景大廈地庫仲記得以前中學成日去蒲網吧打機🖥，成班同學一放學就去玩信長之野望、LOL、Heat project、彩虹冒險，一諗返舊陣時唔少回憶就返晒嚟🥹。今次行經大埔嗰頭，搵完牧師傾偈，咁啱要趕急咁搵部電腦做嘢，就去咗G-NET呢間網吧⌨️行到入去唔少人都喺度打緊機，喺網吧做正經嘢會唔會好奇怪🤣？不過唔理啦，重點喺見到入面有間24小時營業嘅餐廳——大肚腩，喺大埔區造就咗唔少區內人士，因為佢哋主打超平價高質美食，咖哩串串🍡、飯餐🍛、麻辣小食、自選湯麵🍜、三文治🥪、港式茶餐、台日美食，都真喺幾多選擇，最重要成個Menu最貴嘅雜扒飯同秘製蔥油雞飯都喺$58，仲要所有醬汁都喺自家調製，有心思得嚟水準絕對唔差👍原來呢間網吧開咗7-8年，最近搵咗一間新餐廳合作駐場，除咗可以比你邊打機邊食嘢之外，慢慢亦開始發展外賣平台🥡，遲吓仲會實施24小時營業🈺️，無論你幾時肚仔餓都可以喺度買到平靚正嘅嘢食😋✝️四川口水雞 $48餐廳所有嘅口水雞同花雕醉雞都喺用雞髀位去整，份量都幾多，足一隻雞髀份量🍗，可惜肉量就唔算多，不過最重要佢哋嘅口水雞辣醬喺自己調製，香與辣、辣與麻
地址：大埔運頭角里4號富景大廈地庫
仲記得以前中學成日去蒲網吧打機🖥，成班同學一放學就去玩信長之野望、LOL、Heat project、彩虹冒險，一諗返舊陣時唔少回憶就返晒嚟🥹。今次行經大埔嗰頭，搵完牧師傾偈，咁啱要趕急咁搵部電腦做嘢，就去咗G-NET呢間網吧⌨️
行到入去唔少人都喺度打緊機，喺網吧做正經嘢會唔會好奇怪🤣？不過唔理啦，重點喺見到入面有間24小時營業嘅餐廳——大肚腩，喺大埔區造就咗唔少區內人士，因為佢哋主打超平價高質美食，咖哩串串🍡、飯餐🍛、麻辣小食、自選湯麵🍜、三文治🥪、港式茶餐、台日美食，都真喺幾多選擇，最重要成個Menu最貴嘅雜扒飯同秘製蔥油雞飯都喺$58，仲要所有醬汁都喺自家調製，有心思得嚟水準絕對唔差👍
原來呢間網吧開咗7-8年，最近搵咗一間新餐廳合作駐場，除咗可以比你邊打機邊食嘢之外，慢慢亦開始發展外賣平台🥡，遲吓仲會實施24小時營業🈺️，無論你幾時肚仔餓都可以喺度買到平靚正嘅嘢食😋
✝️四川口水雞 $48
餐廳所有嘅口水雞同花雕醉雞都喺用雞髀位去整，份量都幾多，足一隻雞髀份量🍗，可惜肉量就唔算多，不過最重要佢哋嘅口水雞辣醬喺自己調製，香與辣、辣與麻均勻，產生咗微妙食唔停口嘅滋味🤤，辣得嚟其實又真喺唔會好嗆喉或者好油膩🌶，
加多個米線($8)撈埋一齊食就啱啱好🤓
✝️咖喱串串
大肚腩嘅秘製咖喱汁受到唔少食客歡迎，平均十幾蚊一串唔算貴，點知每串都勁足料，相當抵食😝，
叫咗牛柏葉($16)、水魷魚🦑($16)、司華力腸($16)同牛肉丸($16)，咖喱汁可以揀辣或者唔辣，迎合到所有食客😏。
濃郁嘅咖喱汁未食已經聞到香味，醬汁滿滿咁加咗喺食物上面，特別啱晒重口味人士，仲要香而不辣，同時唔會搶咗食物嘅原味，唔鍾意咁多醬汁自己挑走一部份又得🤫，
值得一讚牛柏葉同水魷魚有咬口但又整得幾腍👏
✝️三文治飛碟
叫咗個漢堡扒拼炒蛋飛碟($32)同火腿拼芝士飛碟($28)，即叫即烘嘅關係拎上手仲喺熱辣辣🔥，
香脆嘅三文治邊邊配埋半溶芝士真喺無得彈🤩，
漢堡扒同炒蛋嘅配搭又有冇令你諗起啲似曾相識嘅食物呢🥪，表面仲有坑紋圖案，望見都想即刻影返張相📸
張貼
