蓮香居 (已結業)

去開上環做嘢，順便約人吹吓水，大姐帶我去蓮香居飲茶，雖然好耐以前來過一次，但係對佢無咩印象。今次留意到佢仲有點心車，點心車經過可以叫住姐姐停下，在車上成品中揀心水點心，或者主動拎住卡去搵點心車攞，嘩，真係久違的情境，。雖然形式老舊，正好回味一下兒時味道，張凳都好好坐喎。水滾茶靚，茶味香濃，仲有啲茶具都好講究，全部印有蓮花圖案，好認真，睇見都開心。鴨腳扎腐皮夠腍仍保留韌性，芋頭又粉又腍好入味，鴨腳夠腍夠味又完整，好耐無食過咁好味了。臘腸卷懷舊點心表之一羅旋形包皮有質感味淡，內裡臘腸有點肥肉是正常，兩者一起咬入口就剛剛好，唔.....想當年...好味大姐說是鴛鴦腸，祇吃了一件未有求證蒸鯪魚球吃得到打至起膠的功夫，內有少量芫茜髮菜蝦米，令味道豐富，香鮮無魚鯹潮州粉果粉果皮好靚，沒有過多澄麵，口感軟糯而不會爆爛，餡料充盈飽滿，帶有爽香的沙葛和菜甫，好食 走時才見到馬拉糕，由出籠到我埋去影相，已被搶奪剩下幾件，下次有機會一定要試吓。