Layback Cafe & Bar

營業中

休息中

香港人生活節奏急速，有時真係需要慢慢休息，週末收工後同朋友去咗銅鑼灣一間餐廳食飯。餐廳有好多打卡位，而且仲可以帶寵物，感覺好relax……明太子薯條薯條炸得外脆內軟，配埋明太子醬食好好味，真係食到停唔到口。西班牙火腿水牛芝士薄餅西班牙火腿好大片，舖滿成個pizza,芝士焗得金黃，熔咗喺表面，薄餅厚度算適中，食落唔會好heavy。北海道海膽帆立貝幼蛋麵帆立貝煎得幾好，海膽都新鮮，幼蛋麵份量比想像中多，值得一提嘅係醬汁都有濃濃嘅海膽味。開心果巴斯克芝士蛋糕蛋糕表面有開心果碎，蛋糕芝士味好濃，巴斯克嘅質感做得好好，開心果味反而唔算好突出。Signature Deluxe Chocolate Smoothie 飲品唔算好甜，但有香濃朱古力味，面頭有新鮮嘅士多啤梨，飲落好fresh。檸檬薑蜜糖伯爵茶伯爵茶清清地，配埋薑蜜，朋友話佢好鍾意。餐廳有好多打卡位，食物亦唔錯，好適合大家同朋友一齊去chill。