健康味 (已結業)

今日要去觀塘工作，非常忙碌，連飯都冇時間食。仲要輸埋“包剪揼”就要負責出去買外賣，突然間想起上網找尋快餐外賣，但同事話唔制 “太肥膩” 想食得健康啲。點知突然間搵到呢間飯盒快餐，標榜健康又冇味精，試下打電話去問下餐單，大家都話好，而且在工作地點附近。落咗柯打，準時到，已經準備好飯盒熱辣辣，非常方便。我哋叫咗咖哩意粉、魚卷飯、紅糙米飯。大家打開飯盒都大讚，好健康，啱曬我哋都市人。有個同事仲誇張話好耐冇食過菜，即刻要攞電話號碼。不過試咗未到先講。咖哩意粉 : 咖哩不會太辣，有椰香味 ; 意粉不會太淋。魚卷飯 : 用大塊魚柳捲住薯蓉同配菜。而紅糙米飯 : 除咗糙米仲有大大塊瘦肉。一個咁普通嘅飯盒估唔到味道真係唔錯，不會太鹹而且食到每種食材的味道。最重要我哋攤凍咗再食，都一樣咁美味。啱曬我哋食無定時嘅人。