影片
更多
2023-12-23
117 瀏覽
今次老公帶我去食好西，佢話依間嘅牛肉麵超好食，係繼程班長之後，第一次聽佢讚人哋嘅牛肉麵好食😋我哋兩人星期六下晝2點令去到，排隊排左三四個字左右。我都幾中意食台灣野，特別係肉燥飯，不過依度只有滷肉飯，因為大緊肚，唔想食太多肥膏，所以最終冇試到，留返下次再試~最後我哋叫左兩碗牛肉麵、一個煎蛋餅同埋一杯桂花烏龍茶🍜🍵味道真係好好味呀~蕃茄紅燒台式牛肉麵 起初覺得$88小貴，但黎到之後覺得係值依個價，有好多件牛肋條，配菜白蘿蔔紅蘿蔔好大件，仲配埋個滷蛋🥚湯麵黎到一定係試個湯底先~湯底味道濃郁，睇落唔似有蕃茄，但原來係融入晒喺湯度，飲落啖啖蕃茄蓉，超級正🤤牛肋條好入味好林，一啲都唔柴，我哋最怕食配牛𦟌嘅台灣麵，所以依個牛肋條真係頂呱呱😚白蘿蔔、紅蘿蔔亦係十分入味，炆到好林，食落亦無渣，個人比較中意食紅蘿蔔，甜甜地，因為白蘿蔔有少少帶酸，但都好味嘅😋最後仲有棵菜同隻滷蛋，滷蛋口感偏向鐵蛋咁樣較為硬身，我哋麻麻地食依個質感，所以依個係些少失色，不過依個都係個人喜好~芝士吞拿魚粟米蛋餅蛋餅又係十分好味，本身好驚食好油膩嘅蛋餅，所以都係試下嘅心態，點知眼前一亮✨餅皮唔會好油好膩，入面嘅芝士、吞拿魚、粟米
我哋兩人星期六下晝2點令去到，排隊排左三四個字左右。我都幾中意食台灣野，特別係肉燥飯，不過依度只有滷肉飯，因為大緊肚，唔想食太多肥膏，所以最終冇試到，留返下次再試~
最後我哋叫左兩碗牛肉麵、一個煎蛋餅同埋一杯桂花烏龍茶🍜🍵味道真係好好味呀~
蕃茄紅燒台式牛肉麵
$88
8 瀏覽
0 讚好
0 留言
蕃茄紅燒台式牛肉麵
起初覺得$88小貴，但黎到之後覺得係值依個價，有好多件牛肋條，配菜白蘿蔔紅蘿蔔好大件，仲配埋個滷蛋🥚
湯麵黎到一定係試個湯底先~湯底味道濃郁，睇落唔似有蕃茄，但原來係融入晒喺湯度，飲落啖啖蕃茄蓉，超級正🤤
牛肋條好入味好林，一啲都唔柴，我哋最怕食配牛𦟌嘅台灣麵，所以依個牛肋條真係頂呱呱😚
白蘿蔔、紅蘿蔔亦係十分入味，炆到好林，食落亦無渣，個人比較中意食紅蘿蔔，甜甜地，因為白蘿蔔有少少帶酸，但都好味嘅😋
最後仲有棵菜同隻滷蛋，滷蛋口感偏向鐵蛋咁樣較為硬身，我哋麻麻地食依個質感，所以依個係些少失色，不過依個都係個人喜好~
芝士吞拿魚粟米蛋餅
$42
7 瀏覽
0 讚好
0 留言
芝士吞拿魚粟米蛋餅
蛋餅又係十分好味，本身好驚食好油膩嘅蛋餅，所以都係試下嘅心態，點知眼前一亮✨
餅皮唔會好油好膩，入面嘅芝士、吞拿魚、粟米同蛋都好足料，加埋啲蔥，可以平衡返冇咁膩，而蛋餅上嘅沙律醬同照燒汁意外地十分配搭，真係好好味呀~
桂花烏龍茶(凍)
$12
6 瀏覽
0 讚好
0 留言
桂花烏龍茶(凍)
食左咁多濃味食物，飲返杯清清地嘅桂花烏龍茶，即刻去左油膩感~淡淡桂花味，幾好味👍🏻
.
整體評價
食物質素好高，叫左兩種食物都係大大件，非常足料，真心推薦👍🏻下次有機會一定會試佢哋嘅招牌吐司同滷肉飯😚
張貼
