影片
更多
2008-08-25
12 瀏覽
小金魚愛吃米線.....但係旺角新開個間譚仔實實在在很多人排隊等位，所以我有時想吃但係又唔想等咁耐位時會改吃呢間。有時都會要等位，但係基本上等10-15分鐘左右就會有位。佢同譚仔唔同，呢間選擇好多~唔食米線都仲有其他選擇。(好似酸辣粉~拉麵呀~咁)當然小金魚次次都係食米線啦~~~餸方面我多數都會選：腩肉 <== 比譚仔仲好食，無乜肥肉，而且佢應該係煮過入味，所以有味道，唔似譚仔咁用白水煮咁(我估)，有時仲要齋肥肉~豬軟骨 <== 骨乎其名，豬肉 + 軟骨，D軟骨係淋的，唔會硬掘掘咁~金菇 <== 好難唔好食，不過份量偏少，可以叫做唔抵食，只係我鐘意食金菇，所以我一定會叫。豬大腸 <== 無異味，呢個真係唔係間間都做到同做得好，呢間做得唔錯。小鍋米線 + 小辣 = 呢間D湯底同譚仔好唔同~酸辣得嚟味道偏濃，而且佢有頻多酸菜&芽仔，我有時會食到中辣，睇心情啦~~~至於SERVICE~尚算OK~D阿姐幾好~唔算無禮貌，落單都算快，你話等等都會遲D再嚟~收野前都會問下你仲要唔要。價錢方面~面底HKD20.00 + 每樣餸最少HKD4.00 (最貴好似HKD6-
但係旺角新開個間譚仔實實在在很多人排隊等位，所以我有時想吃但係又唔想等咁耐位時會改吃呢間。
有時都會要等位，但係基本上等10-15分鐘左右就會有位。
佢同譚仔唔同，呢間選擇好多~唔食米線都仲有其他選擇。(好似酸辣粉~拉麵呀~咁)
當然小金魚次次都係食米線啦~~~
餸方面我多數都會選：
腩肉 <== 比譚仔仲好食，無乜肥肉，而且佢應該係煮過入味，所以有味道，唔似譚仔咁用白水煮咁(我估)，有時仲要齋肥肉~
豬軟骨 <== 骨乎其名，豬肉 + 軟骨，D軟骨係淋的，唔會硬掘掘咁~
金菇 <== 好難唔好食，不過份量偏少，可以叫做唔抵食，只係我鐘意食金菇，所以我一定會叫。
豬大腸 <== 無異味，呢個真係唔係間間都做到同做得好，呢間做得唔錯。
小鍋米線 + 小辣 = 呢間D湯底同譚仔好唔同~酸辣得嚟味道偏濃，而且佢有頻多酸菜&芽仔，我有時會食到中辣，睇心情啦~~~
至於SERVICE~尚算OK~D阿姐幾好~唔算無禮貌，落單都算快，你話等等都會遲D再嚟~收野前都會問下你仲要唔要。
價錢方面~面底HKD20.00 + 每樣餸最少HKD4.00 (最貴好似HKD6-7.00)，飲品就+HK8.00 (如果下午茶時間，熱飲免費，凍飲+ 2蚊，最抵~)，普普通通啦~
不過最重要係~如果大家好似小金魚咁係一個怕熱的人(OR魚)的話，最好就坐入D~因為佢地雖然係有開汽氣，但係佢係用拉門，D客人出入唔係成日會記得"順"手關門，夏天坐得出會比較熱~
張貼