Pasta Mio (已結業)

呢間其實係外賣意粉店，所以小店主要係做外賣，而舖外有大概三張枱，手快有位，手慢冇。咁我就揀夜晚黎，冇乜人可以有位坐。我買左團購 -- 自選 Fit Size 經典醬汁意大利粉一客連飲品，包括︰5 種經典意粉惹味醬汁任選。意大利粉的選擇有蝴蝶粉、長通粉、貝殼粉、意粉及螺絲粉等。至於醬汁選擇有五款，包括Pomodoro, Arrabbiata, Chicken, Bolognese & Melanzana。我就揀左雞汁味蝴蝶粉，只得雞汁味先至有肉，其餘的醬汁冇肉。細細個盒載住D意粉，意粉面放左好多芝士粉，芝士粉撈埋D雞汁味一齊食特別香。雞汁味有好濃的蕃茄味，汁中仲帶少少辣都算幾好味。醬汁份量尚可接受，亦都係成個意粉的靈魂，否則蝴蝶粉冇味。食到差唔多底都仲有唔少汁，如果D醬汁稠少少會更好。飲品方面得汽水，如可樂、七喜、玉泉等。下次再揀左其他的意粉種類同醬汁先。