東歐餐廳

東歐餐廳經過杜汶澤嘅加持，訂位滿座到成日話要預早一個月訂，超誇張，今日屎忽痕忽然想試，就打電話問臨時有冇位，可能平時好事做得多，又真係有3個位比到我^_^事前已經在網上做好資料蒐集，已經想好要叫什麼，首先我們叫了兩碗羅宋湯，比我想像中有點酸，但勝在料夠多，好多集材喺裏面。然後叫咗一個芝士焗牛脷盅，佢面嗰層係麵包，切之前侍應好細心問你使唔使影相，然後係你面前將個麵包切開一格格，牛脷好嫩，加埋芝士醬夾落啲麵包度一齊食，好好味然後第一個主菜係芝士焗三文魚扒，份量比我想像中多，魚肉焗到超滑，芝士又唔會蓋過佢海鮮嘅鮮味，鍾意食魚嘅朋友不能放過跟住第二主菜係香燒豬肋骨，呢個好特別食前一定要準備相機，因為佢會上菜喺你面前淋上著唒火既vodka，好似火燒火豬肋骨一樣，最重要係佢唔止賣相好，啲肉都非常之滑，而且有少許酒味配搭，又係不能放過