Rempah Noodles

營業中

休息中

一直都好想試呢間店，今日終於有機會同朋友嚟食下。雖然係閒日，但一去到已經見到好多人排隊，等左大概30分鐘先入到座。餐牌唔係好多選擇，我地每人叫咗個叻沙麵（$98）同埋一份咖央多士（$38），啲嘢食都好快嚟到。咖央多士見到好多人嚟都有試呢個多士，自己都叫咗份試吓。咖央多士一件開左4份，同朋友share 都好方便。多士外脆內軟，夾住好厚嘅咖央醬，食落去嘅口感好幼滑，仲有椰香味，真係唔錯。叻沙麵個湯底好濃郁，好香嘅椰奶味，但唔係好辣。油麵好滑，掛到啲汁。另外，碗麵啲配料好豐富，有蝦，豆卜，魚蛋，蛋。啲豆卜吸晒啲汁，特別好味；同埋啲魚蛋都好彈牙！整體唔錯，服務都好好，有機會都會再嚟。