Wing Wing 哋 (已結業)

呢間係一間屋村小店 外面睇嚟好fancy 其實我都係因為佢嘅店員係咁落力派傳單 所以先諗住試吓😂 舖頭食物嘅包裝都幾有特色 係用一個罐頭咁嘅形式裝住啲飯 食嘅時候都有留意吓究竟係點樣包裝嘅 但係我就研究唔到啦🙊我哋嗌左個優惠餐包括左兩個飯同埋一款雞翼 就咁睇個店名都知道呢度出名食雞翼啦 真係有好多款雞翼揀㗎 太過花多眼亂 我哋都係求其揀咗樣應該好食嘅🐥 丼方面 我地嗌左和風牛肉飯同埋薑燒豚肉飯 味道都唔錯嘅 不過因為包裝係一個罐頭咁嘅形式 完全密封嘅 所以令我哋短短30秒內個飯已經有好多倒汗水 個人就唔係太鍾意喇 同埋飯嘅份量都幾多 不過個汁就少咗啲 食到中段已經有啲乾🥺雞翼方面我哋嗌左鹹蛋黃雞翼 有四隻嘅 所以呢個餐都幾抵 不過鹹蛋黃咁濃味都好啦 我都食到雞翼嘅雪藏味好嚴重 雖然都明白肯定係用雪藏雞翼 但係雪味咁重 都冇乜點辟味 所以都有啲失望🙍🏻‍♂️今次食冇試埋佢嘅飲品 希望我下次再嚟嘅時候食物質素會有進步 同埋可以試吓門口介紹嘅綠茶系列啦