團日式拉麵

營業中

休息中

今日黎到荃灣做野，做完野就緊係要搵下好野食，之前都有見到網上話有日本拉麵機黎左香港，所以我都過黎回憶下係日本既拉麵。 拉麫店既設計好貼心，除左販賣機係香港好少見，似足日本，而且仲有得揀曲直麫同走配料，岩哂唔同人既口味。呢個黑蒜油湯底好正，蒜味十足，再加埋碗面既炸蒜，又濃味又健康。湯底好濃好稠，飲得出真係好足料。而麫同叉燒都係上乘之作，叉燒唔會肥得黎又好細嫰，應該係熬左好耐先做到呢個效果，而麫既口感亦係岩岩好，唔會太腍而且好彈牙。  首先要講有關呢個櫻花蝦拉麫既係，櫻花蝦真係好多好足料，鋪滿哂成個碗面，甚至都就黎見唔到D麫。櫻花蝦每粒都卜卜脆，無論係連湯飲定係連麫同叉燒食，都好惹味。而湯底係海鮮湯底，除左有蝦既鮮味，仲有其他海鮮既味道，非常鮮甜。而麫同叉燒就同黑蒜油拉麫一樣，都係頗具水準，值得一讚。 拉麫店有好多款唔同既特色飲品，呢款靜岡蜜瓜梳打味道雖然唔算好清新，但都有幾分似靜岡蜜瓜味，加埋梳打既味道同口感，都幾得意。 而招財貓梳打既造型真係好得意好特別，特別係樽身肥肥地，令到隻「招財貓」更加豐滿更加得意，好接笑。雖然味道唔算非常出眾，都係梳打，但淨係個外型都值回票價，可以一試。