吹水館 (已結業)

好友生日, 但尚未覓得如意郎君, 一眾姊妹決定同主角搞個romantic birthday dinner因為其中幾位女友都未嚟過SOHO東, 所以今次就揀吹水館喇~~~我哋一行7人一早打嚟book定位, 準時7:00到, 間餐廳黑忟忟, 內裹貼滿閃令令嘅紙皮石, 又唔係太多人, 好啱成班女仔傾偈 (拍拖都啱)! 我哋叫咗半打生蠔, 我唔食, 佢哋話好好食, 好新鮮! 跟住唔記得加幾多錢有2杯white wine, 勁難飲!!!每人叫1個set dinner, 紅,白湯都唔太凸出, main course全部都點炭燒肉眼扒or比目魚 (其實有好多款main course俾你揀), 兩款份量足, 肉眼比比目魚較好食, 肉眼夠juice又有炭香, 比目魚唔夠甘香, 只係普通一塊魚扒! 最後咁多個女性梗要有個甜品先叫完滿啦~~~我哋special order 心太軟 (全個上), 送來時已經有溶岩流出來喇, 外層脆內軟, 最重要夠濃, 再加上雪糕 (normal)同tiramisu(質感不錯), 都算係我食過咁多心太軟, 最好食嗰個!!!氣氛+心意+美食=成功攻陷芳心, haha......