新利記 (已結業)

早前，我去咗新利記食咗個晚餐(黑椒腸仔雞扒飯)，套餐價錢雖然係平，但講真句，食物質素真係非常一般，食完個餐之後，自己其後覺得，真係有必要為咗想慳番幾蚊，而換嚟一個後悔？總括嚟講，個黑椒腸仔雞扒飯並唔算難食，個汁真係食到好濃嘅黑椒味，但個汁整得太杰(又係呈一粒二粒啫喱狀)，腸仔入口一堆粉毫無彈性，雞扒煎得香口(唯一嘅安慰)，飯粒又係差少少，都係煲到有一嚿二嚿爛飯存在，但整體又唔算話好差，杯凍奶茶係OK嘅，不過講真句，呢個價錢仲可以有咩要求。。。