京香餃

營業中

休息中

連續番左9日工，難得清明有假放，當然要休息下兼食好野喇！既然中午時份去開西環，緊係去食點心喇，但太多人等位，唯有轉第二間喇。行上少少見到對面馬路開左呢間食餃子，就直衝過去。一入去剛好有一枱人走，所以2個人一張枱，坐得好闊落。睇完menu最後選擇左羊肉餃，擔擔麵同雞絲粉皮。先上擔擔麵，望落唔見有肉碎但色水ok，聞落都香嘅。太肚餓就立即起筷，所以附圖係後影嘅。d麵條食落覺得太淋無哂口感，d湯熱同有好香嘅花生醬味。其後上雞絲粉皮，呢個好正常好一般，除左唔知係青瓜出水定麻醬混左少少水，整體我都可以接受。最後係羊肉餃，呢個我認為同我係灣仔食個間比係呢間好味d，呢個羊肉味重，熱辣辣好juicy。我地叫左10粒share。咬個陣仲噴汁噴到我電話都係。正。下次再黎要試下魚餃，希望都咁正。今餐食左$121,都平。