林洪記水產

營業中

休息中

上次同個fd食飯，佢話帶我去食間正到爆嘅火鍋店，我梗係即刻say yes。去到餐廳，嘩，入面勁多人，勁熱鬧，好有氣氛。我哋叫咗個羊腩煲配海鮮放題。羊腩煲好快就上枱，啲羊腩口感岩岩好，羊湯濃郁，正到喊出嚟！我哋忍唔住食咗幾啖先記得影相。食完羊腩，我哋就用個湯底嚟打邊爐。啲海鮮勁新鮮，有花蟹、龍蝦、聖子樣樣齊。我個人比較鍾意食花蟹，蟹膏超多，鮮甜到痺晒脷；龍蝦新鮮彈牙爽口 聖子好香口又彈牙，我地當時食到停唔到口。另外，我哋仲叫咗兩碟蟹膏飯。蟹膏飯足料到不得了，蟹味濃郁，配埋羊腩煲同海鮮，簡直係天堂嘅滋味。呢度都真係超值，千幾蚊就有羊腩煲、海鮮放題同蟹膏飯，啲海鮮又新鮮，抵到笑。