翠林辣蟹舫

約咗朋友喺尖沙咀食飯，我俾佢話晒事，結果佢就帶咗我嚟呢間喺樓上嘅中菜廳開餐，係專門食蟹嘅🦀-「話梅苦瓜」：頭盤係苦瓜😆，苦瓜唔係好苦，吸收咗話梅嘅甜鹹酸味，層次幾豐富，開胃好食😊-「炸蠔餅」：超立體、超鬆化、超輕身，脆漿可以整到咁，盡顯廚師👨‍🍳嘅功力😋；嗰啲蠔仔🦪亦都頗大隻🤩-「酸菜龍躉魚」：「酸菜魚」放喺一個巨碟裏邊，上桌嘅時候充滿氣勢😆，店員姐姐仲介紹係用二十幾斤重嘅龍躉嚟炮製，佢叫我哋睇吓魚皮幾厚身就知道🤩；龍躉魚皮幾滑身，龍躉魚肉就好軟熟，好好魚味，呢個「酸菜魚」唔係好酸亦唔係好辣，可以食到龍躉嘅鮮味😋-「啫啫通菜煲」：一個燒到非常熱🔥嘅「吉煲」先上桌，店員姐姐千叮萬囑我哋不要碰，因為真係勁熱，然後佢就攞咗一碟炒好咗嘅通菜倒落個「熱到爆炸嘅吉煲」裏邊😆，咁即刻渣渣聲冒煙，仲馬上充滿香味😋😆朋友結果冇點到蟹🦀，因為佢話食過呢度嘅「酸菜魚」好正，要我都試吓🤩；我就話俾朋友聽，其實我好耐之前嚟過呢間餐廳食蟹🦀😆