大灰熊廚房 (裝修中)

今日去將軍澳睇樓，行到累累地就搵間餐廳食下野休下，比我地發現左呢間餐廳，裝修都幾特別，樓面都算大，服務員熱情既招待好快就入去坐。首先我地點左個4人餐，有跟餐湯，我地叫左粟米豆腐羹，呢個清清地容易入口，我都幾鐘意。再叫咪個蕃茄肉片湯，真材實料，肉片大大塊，湯都好香濃。重有菜前小食，今日廚師推介琥珀合桃，非常香濃既蜜糖味，好香脆非常之有口感。另一個前菜有白醋醃蘿蔔，呢個食完非常開胃。主菜方面就點左沙拉豬扒，沙律醬甜甜酸酸我個人十分喜愛，食完都好開胃，味道好好，豬排好有口感，世界級菜享受。另一道菜係千島蝦球，千島醬都係我既最愛，非常美味，家人都好鐘意。配咪白飯食一流。之後叫多個金銀蛋配時蔬，呢個三色蛋都好有口感，蔬菜都好新鮮，清清地健康啲。最後再叫多個勝瓜雲耳炒牛肉，家人好欣賞這道菜，食完讚不絕口。總括嚟講都十分好味，服務員態度親切，值得再來。