炭火地雞

營業中

休息中

「炭火地雞」係一間專門食到優質雞肉與珍稀部位嘅串燒店。各種內臟同部位通通被分得超級仔細！刁鑽部位例如：雞腳筋、雞頸、雞心管、雞爽肉及雞蠔肉都齊全。除咗雞肉，餐廳都有唔少其他肉類嘅串燒選擇。師傅嘅燒烤技術出色，火候控制講究，串燒燒得表面香脆，肉類一啲都唔乾，完全鎖住晒D肉汁，即叫即燒即上枱！令客人完全品嘗到高水準嘅美味串燒。我同朋友叫咗好多唔同嘅串燒，特別推介嘅有：🔸熟成雞腿肉（含雞蠔肉）- 燒到7到分熟後，食起上嚟口感鮮嫩，肉汁飽滿，外皮仲十分香脆。🔸甘口嘉美雞全翼 - 酥脆嘅雞翼配上惹味醬汁加持，令人食唔停口。🔸雞軟骨 - 口感十足，越咀嚼越有味，送酒啱晒！🔸鵪鶉蛋卷 - 創意特式串燒。一咬落去，鵪鶉蛋「卜」一聲爆開，滋味滿滿。🔸明太子燒淮山 - 淮山新鮮爽口，蓋上厚厚一層明太子，鹹香味道交融。🔸春菊水菜沙律 - 蔬菜有獨特嘅味道，清爽甘甜又開胃。枱上面嘅調味料，芥辣、檸檬同埋Wasabi非常適合串燒，有畫龍點睛之效。