和記廚房

營業中

休息中

放工後到附近揾食，最後揀左呢間大牌檔。食完係值得上黎俾番個讃！大約6：30到場，時間尚早，所以不用等位。上到二樓，有唔少室外露天座位，侍應帶左我地入冷氣房，環境舒服！夠鑊氣涼拌鮑汁豆腐，好似凍豆腐花，好滑，夏天食最O岩！椒鹽鮮魷拼九肚魚，九肚魚外脆內軟，好香口 ，簡直係皇牌冇得輸！牛仔骨，肉質嫩滑，有少少辣味，好正。雞煲蟹，料夠足，雞肉鮮，湯都好好飲。款式夠多除左大排檔食物，仲有鹵水同泰菜，選擇夠多。今餐試左泰式串燒、椰汁冰、同埋鹵水拼盤，份量適中。上菜速度快侍應有禮貌，又唔洗追單。