泰興餅店

營業中

休息中

講到近期大熱，一定係荃灣泰興餅店賣嘅熱香餅漢堡，限量供應，每人每次限買兩個，一包難求，星期一至五出爐時間早上7:30和中午12:30，星期六日公眾假期下午2:00。每次經過餅店都大把長龍，多次放棄。今日中午12:10開始排，排到差不多1:30先買到，期間店員仲會預備熱茶和遮給排隊客人。熱香餅漢堡$15一個，的確非常便宜，雖然自己都整到，但自己買材料都要十幾蚊成本。熱香餅漢堡，由兩塊鬆軟勁厚的熱香餅夾住中間一塊芝士、一塊豬柳漢堡和一隻煎蛋。醬汁是少量適中的白色沙律醬，不會太酸。由於是即製，所以新鮮熱辣，味道亦非常不錯，而且很飽肚，若不是太多人要排個半鐘，一定會經常幫襯，不難怪咁多人，便宜夾抵食。唯一可惜的是，第一口咬到有蛋殼，但個包係好味的，排咗咁耐等到勁肚餓。