影片
更多
2018-08-10
376 瀏覽
朝早8點幾search附近嘅餐廳想食早餐，得31間，錄錄下見到一家大細都係開九點，於是等到九點先去。搵好耐唔覺有，因為第一次食，實際位置都唔係好清楚。於是問咗隔離租單車嘅婆婆，婆婆指向茶樓個位說：冇咁早㗎，佢哋起碼十點先開。你哋踩唔踩單車啊，而家冇咁多人，踩完單車返來差唔多啦。見婆婆咁識做生意，於是我哋租訓兩部單車踩咗轉，十點正遙見一家大細開檔啦，出一身汗，趕一餐早餐。店內座位不多，開放式廚房，牆上寫咗幾句溫馨提示，各位要留意啦。同埋啲食物都係先付款後製作。職員比咗兩份menu我哋，有早餐亦可以散叫其他嘢食，由小食、意粉、pizza、飲品同各式咖啡，再有兒童餐。蘋果凍麥皮+牛油多士係早餐所有食物都係即點即叫，所以等候需時。爽口清脆嘅蘋果粒配以牛奶味濃嘅麥皮，清新得來甜度剛好，配搭一流。個pizza要等25-40分鐘，來到嘅時候已經嘢飲都飲晒，下次可能要叫完嘢食差唔多先落嘢飲好啲，但又要比完錢先製作食物，呢層真係要店家想想計啦。Pizza 係薄皮，夏威夷薄餅有粟米菠蘿同番茄，芝士鋪最底層，焗得好脆口，芝士味好濃郁。芝士蜜糖雞翼，睇落去芝士有好多，但仍然甜蜜蜜，份量控制得很好。順帶一提係佢
見婆婆咁識做生意，於是我哋租訓兩部單車踩咗轉，十點正遙見一家大細開檔啦，出一身汗，趕一餐早餐。
店內座位不多，開放式廚房，牆上寫咗幾句溫馨提示，各位要留意啦。同埋啲食物都係先付款後製作。
職員比咗兩份menu我哋，有早餐亦可以散叫其他嘢食，由小食、意粉、pizza、飲品同各式咖啡，再有兒童餐。
蘋果凍麥皮+牛油多士係早餐
所有食物都係即點即叫，所以等候需時。
爽口清脆嘅蘋果粒配以牛奶味濃嘅麥皮，清新得來甜度剛好，配搭一流。
個pizza要等25-40分鐘，來到嘅時候已經嘢飲都飲晒，下次可能要叫完嘢食差唔多先落嘢飲好啲，但又要比完錢先製作食物，呢層真係要店家想想計啦。
Pizza 係薄皮，夏威夷薄餅有粟米菠蘿同番茄，芝士鋪最底層，焗得好脆口，芝士味好濃郁。
芝士蜜糖雞翼，睇落去芝士有好多，但仍然甜蜜蜜，份量控制得很好。
順帶一提係佢哋嘅飲品，
每杯飲品都係有耳仔唔會整濕手，杯墊都係松木做嘅矮身兜，唔驚倒汗水仲可以環保再用，飲筒唔係膠類，抵讚！
以近年長洲商業化嘅速度來講，希望一家大細可以持續落去，有質素有心意嘅小店，值得大家多多支持。
張貼
