太平洋咖啡 (德福廣場2期)

營業中

休息中

今朝返工打算去麵包店買麵包返公司當午飯時食，但點知可能個人未醒，行行下過左龍，跟著發現後當然唔再返轉頭啦，就諗下不如直接去呢間度買麵包，應該會好味一點。去到店舖見到有啲意式三文治，見佢都幾大份，我就揀左個吞拿魚加溶芝士三文治，唔知係咪唔夠人手，我都等上十分鐘才可付錢，好彩時間上不算太趕，如果唔係就弊！午飯時，我將個包放入微波爐一分鐘，待芝士溶了就搞掂，個包好軟熟，入面有好豐富的三文魚碎，仲有幾片紫洋蔥，加上溶化了的芝士，食落非常可口，感覺又充實，紫洋蔥好香，令到味道提升，食完成個包都好飽肚，呢個都算係不錯選擇。