kikusan (已結業)

唔知係日本菜定係中菜，見到新開就試下，見到有午市套餐，可以揀一個主食，跟一碟小食及一杯飲品。小食有2款，1款係涼菜，因為唔知係乜嘢，所以冇叫到，我2人都同時揀咗另一味係一粒星小籠包同埋一粒蒸蝦餃，用個細細的蒸籠裝住好精緻。熱辣辣好好味，皮薄餡靚。主菜方面我就揀咗薑炒豚肉擔擔麵，同埋蔥爆牛肉配白飯，本來想揀回鍋肉，但係發現售罄有啲失落。薑炒豚肉本來都驚太過薑味，食落我發現冇乜薑味，好似日式醬油炒豚肉咁樣，味道唔錯。蔥爆牛肉就葱多肉少，明白牛肉比較貴，大葱都炒得好好味，整體食物好有鑊氣，調未好好。飲品揀咗熱柚子蜜，同埋熱豆漿。柚子蜜用料好足，甜度適中，啱啱好。總結全個午餐都好抵食，又好好食。勝價比高。